“تلاتين سنة” آخر ماكتبه الشاعر أحمد شبانة

“تلاتين سنة” آخر ماكتبه الشاعر أحمد شبانة
مشاركة الموضوع :

خلّص كلام ..
و النبرة هِدْيت حبّتين
لقى دمعتين نازلين على غفلة
…..
لأ ..
مش هي دي القفلة .

خلّص عياط
بس العياط خلص عليه
٣٠ سنة
في الدنيا عمّال بيداريه
علشان عينيه كانت بتبكي على اللي راح
من أول اللعبة اللي ما أخدهاش
و لحد ما إتحول لـ لعبة لبياعين الحب
و الشوق و البراح
تِعزفلي ليه ع الجرح !
مش هرتاح
ولا هشتهيكي يا ثمرة التفاح
ولا هبكي ع الاحلام
لو لسة فيا الحيل لـ حلم
ولا هبقى فيلم و فُرجة للمارّين

عارف
بإن الله مع الصابرين
بس إتكسرت بفعل خبطات الكفوف
عيني السبب ..
علشان زمان رفضت تشوف
شديتني جرْي على الهلاك
و جريت وراها بكل جهل
عارف .. هننسى بعد فترة من الزمن
والكل عارف الفراق .. مش سهل..
آخر ماكتبه الشاعر الراحل
أحمد شبانة
من ديوان: 30سنة
معرض القاهرة الدولي للكتاب 2020

مشاركة الموضوع :
أحمد أشرف

أحمد أشرف

محرر ثقافي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

خمسة × ثلاثة =