“نبي مغضوب عليه”قصيدة للشاعر أحمد موسى

“نبي مغضوب عليه”قصيدة للشاعر أحمد موسى
مشاركة الموضوع :

قافل بيبان القلب ع الموت اللي عاش
وبكافيء الخوف انّي فاتح روحي ليه
.
شارب زحام الوِحده في دموع الفراش
ومخاوي جنّ العزله والعَجْز الباليه
.
حبّيت ما طولتش غير جراح مش لاقيه شاش
ومشيت ما سيبتش ضحك مُرّ اشتاق إليه
.
الصدق عوره بيستره الكدب القماش
والحب ذنب الشُّعرا بيعايروني بيه
.
أنا عبد ماشي- بروح إله – طالع معاش
ورسول بتاخده دعوته من تيه ل تيه
.
قلبي الرساله المعجزه ف كون اندهاش
وانتي ارتعاش الوحي لحظة ما التقيه
.
فبلاش تعرّي وجودي بغيابك .. بلاش
يرضيكي يعني أكون نبي مغضوب عليه ؟
..
أحمد موسى
من ديوان “سجود إبليس ”
معرض القاهرة الدولي للكتاب 2020

مشاركة الموضوع :
أحمد أشرف

أحمد أشرف

محرر ثقافي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

ثلاثة × واحد =