جزئ فاضل

بقلم علاء الدين علي…

باحبك حب مش عادي 

محستهوش سنين عمري 

ولا شافه الخلايق قبل 

وبعشق م الضيا نورك

وشايفك باصّة ف مرايا

وعيني مجاتش ف عنيكي 

عشان قلبي عليكي يطل 

ولو زاد  اللقا بننا

أنا ميبانش ف عيوني 

كلام يتقال لغات خاصة 

مابين عيني وبين قلبك

مهو رفضك يساوي التقل

باترجم لك على لساني 

حروف قلبي قصيدة شعر 

ومين ف العتمة يا غالية 

ما يرقصش الهنا جواه 

لو نورك طلع فجره 

وشمس العين عليه بتهل

ومين يقدر يصون نني 

لو خلاكي جوا عنيه 

ولو لون العسل لونه 

حزين .هادي . ومبيطمعش

بنورك يتقلب أبيض 

بلون الفل

قالوا الحب دا العادي 

على طول الزمان بيمر 

مقلتش إني يا حبيبتي 

باقرب قلبك التايه 

لغيري بكل أوصافهم 

وأقول عندي الهوى إتعل 

ودا عنك 

عشان عني

ملخص ييجي ألفين سطر 

ولو فيه سطر يتصدق

نبل الماية 

ونسقسق لموج البحر

أنا رافضك 

عشان لسة جزئ فاضل

ف عقل دمار 

بيحسبها وبعد الله 

إليه الفضل.

شاهد أيضاً

Как Делать Ставки На Спорт Руководство Для Начинающи

Как Делать Ставки На Спорт Руководство Для Начинающих Что Такое Система В Ставках На Спорт? …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

5 × واحد =