التنوير – eltanwer ثقافه وفنون
شمس الضحى
بكرية الأحلام
لمحت ورا ضهر المدى
عش الندى /مرّت
عصفور و عصفورة احتموا
من طبعها بالتوت
سال من عروقهم ع الطريق
شهد الهوى / ظنّت
سيل المشاعر ف الشتا
لجة/ و فين هتفوت
خافت ف شالت ف انكشف
منها الحياة ..
طلّت
بان من بعيد وش الخلا
لمّا انتشى مبسوط
ــ قلبي الشقي ــ
داق من جمالها ما اكتفى
يضحك فترميه بالدفا
يضحك ف تحدفله النهار
يضحك ف تضحك ف ارتوى
من ضحكهم و اضحك
يضحك علينا ..
اللي اختشى م النور