التنوير – eltanwer ثقافه وفنون
المشهد ٢٤
بقلم الشاعر / خالد الكردي
المشهد جوة ف اوضة النوم
والبطلة بتظهر ف الصورة
بقميص شفاف
تفاصيل المشهد بريأكش
ع البطلة بحركة إغراء
مصباح ف الاوضة بيتحرك
وبيعكس ضوء
ع الصورة الموجودة وراها
جوة البرواز
شباك مقفول من جوه ازاز
مفتوح الشيش فيبان درويش
في الشارع ماشي وبيردد
سبحان الله
الكل زوال اياك ياغريب
تتحامي بمال
فاتبص البطلة علي مرايا
وتشوف تجاعيد
مع صوت طفلين بينادوا ياتيتا العشا جاهز
ستوب نجهز للمشهد ٢٥
