سرحت

بقلم الكاتب الصحفي /السيد الشافعي

سرحت

سرحت لحظة لقيت نفسى بعشق تراب بلدى

يا اغلي من امى واغلي كمان من والدى

ياامى الحبيبة بحبك قوى يا مصر

يا امى الحبيبة ضمينى فى احضانك

انام على صدرك واشرب من نبع بستانك

امشى في دروبك  اقابل عمتى وخالتى

واسمع غناوى واسمع قصة من بلدى

الشاطر حسن وابو زيد الهلا لى

واسمع حكاوى ابطال هزموا العدو فى اكتوبر

صمدوا وعدوا حطموا غرور صهيون

مبروك عليكى يابلدى جيشك المنصور

صاحب الضربة الاولى اللي  حطمت صهيون

فتحت ابواب النصر لجيشك المنصور

ليحمى ارضك ونيلك من كل عدو مغرور

مبروك عليكى يا مصر فرحتك بالنصر

وسرحت لحظة لقيت نفسى بعشق تراب بلدي

يا اغلي من امى واغلي كمان من والدى

ياامى الحبيبة بحبك قوي يامصر