الدود سرح

بقلم علاء الدين علي

الدود سرح

ع النخل من قبل السوى

وقع البلح نص النقى

والهيكل الموجود بقى

مرسوم على هيئة كهوف

يا هلترى

فيه منبت الجدر اللي جي

مع إنه للعقل انتهى

يفضل امل

ميكونش دود الارض

نخور فالاساس

سؤال لزراع الامم

اللي شافو الحادثة دي متكررة

مين اللي مهد للديدان

تطلع نخيل؟

فين سلّايات النخل كانت؟

والصيص بلح قادر ينشف ريقها

ليه سلملها؟

وبعد كل الاسئلة

جوابها إيه؟

سماد فعصر العولمة

صدّى جميع الاسلحة

ميل سنان سيف الدفاع

تقليم غلط

زي الحمام لما نفر

لغياب وليفة عشته

نتفوا ريشه وجهزوا

للبوم وليمة

إيدين عقول

غير العقول خرّبت

للنخل شيمة

وان كان جوابكم مختلف

هيّ النتيجة مؤكدة

  1. الدود سرح

شاهد أيضاً

Pin-up Slots:: Пинап Бет:: Pin Up Logi

Pin-up Slots:: Пинап Бет:: Pin Up Login 7к Казино 7k On Line Casino Официальный Сайт …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

أربعة × خمسة =