مستحيل

بقلم/د جمال عبدالله

مستحيل
ـــــــــــــ
يا حزن عشش 
فوق كتاف الحلمانين
كل مانقول اكتفينا 
يكسى بسواده الشقيانين
يقتل أمل
يزرع ألم
يكوى جراح المكلومين
صرخ الأمل
ليه يا وجع
ماتسيبنا نفرح حبتين
كل ماننسى غُرابك
نفتكر
نبشُه
على الكتف الحزين
آآآآآآآآه
أه يا وجع
حلم الجدع
كان دبلة
فى الإيد اليمين
…..
ياغراب
وعشش فوق كتاف الطيبين
مستحيل هاتكون بتنهش
وانت شارب
مية الأمجاد بنيلى
يستحيل إنك فى مرة
شفت فجرى
لما شقشق
بعد ليلى
مستحيل شفتك معايا
حتى صدفة
لما بلدى بتناديلى
مستحيل …
مستحيل
صابت عدِوِّى
طلقة منك
لما نجس
أرض سينا
مستحيل
كَبَّرت يومها
ويا صوت
أحمد ومينا
مستحيل
لو كنت مصرى
تنصر الأنجاس علينا
بس والرب
اللى صلى له محمد
ويا كل المسلمين
بس والرب اللى كلم
موسى فوق
طور السينين
دم ولدى
عمرى ما هانساه للحظة
مهما تبعد
مهما تهرب
حق بلدى
فرض عين
ـــــــــــــــــــ

شاهد أيضاً

Pin-up Slots:: Пинап Бет:: Pin Up Logi

Pin-up Slots:: Пинап Бет:: Pin Up Login 7к Казино 7k On Line Casino Официальный Сайт …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

أربعة × 5 =