بقلم الأديب/ خالد الجمال
انت أيه
عيشي لحظة من عذابي
حسي بية
ليل غيابك من غيابي
كان آسية
وأنشغالك وأنشغالي
بان علية
إنت أيه وأنا أيه
حب مش قادرين عليه
بعد ما عشتى العذاب
جاية تترجى العتاب
دا الغرام اللي في عيونك
كل ما يكبر يخون
شفت حالك بعد حالى
شفته في دمع العيون
أيه جرالك أيه جرالي
إنت أيه وأنا أيه
حب مش قادرين عليه
ليه بنينا الحب بينا
وإحنا مش قد القلوب
ليه رسمنا الدنيا جنة
فيها كل الشوق يدوب
واللي صابنا من عملنا
لما عيشنا في الغروب
إنت أيه وأنا أيه
حب مش قادرين عليه
السنين حيرنا بينا
وإحنا مش قد السنين
ننحنى ونقول قدرنا
أيه جرلنا
بقينا ظلمة مش مظلومين
إنت أيه وأنا أيه
حب مش قادرين عليه
………….