حلمك الأخضر

بقلم الشاعر /معوض حلمى 

لما تحس بروحك حايره
إمسك قلمك وارسم دايره
قوم خليها حدود مملكتك
وادخل فيها بمحض إرادتك
زور حواريها ولف براحتك
واوعى تعدي ف مره الخط
وابني لنفسك مينا وشط
تلقى مراكبك فيها تحط
فارده شراع صواريها وحادفه
ويا الريح واخداها الدفه
فاوعى تميل للنسمه الشارده
وازرع ورده
وخلى الدنيا ربيع حواليك
غمض حبه وشوف بعنيك
حلمك ل خضر مستنيك
بكره هايكبر يطرح ضي
فاحضن حلمك وازرع فكره
أكيد الفكره بيطرح خيرها
في بكره الجاي

أكيد الفكره بيطرح خيرها
في بكره الجاي
______________

شاهد أيضاً

قوم انتصر

بقلم الشاعر/هشام الدشناوى  قوم إنتصر حطم جدار الصمت واطلق صرختك وصلها من جواك إلى أبعد …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

واحد × ثلاثة =