العفريتة

بقلم الشاعر / خالد الكردى 

رئيس نقابة شعراء مصر 


الشقه عندي مسكونه
وفيها عفريته مجنونه
ساعتها اشوفها ع الشباك
وساعات تكون ف البلكونه
عفريته وبتلبس موضه
علي طول بترقص ف الاوضه
عليها شعر بلون الليل
وعينيها حمرا ومش سوده
عفريته بنت الجنيه
غاويه الهزار والملاغيه
قبل ماباخرج علي شغلي
بالاقيها بتنادي عليا
انا وحدي بس اللي شايفها
عارفاني وانا برضه عارفها
اول ماباصحي من نومي
تديني بوسه من شفايفها
عجباني وانا اصل عاجبها
عاوزاني علي طول الاعيبها
لومره قولت ان انا تعبان
تزعل وترفع حواجبها
العفريته

شاهد أيضاً

قوم انتصر

بقلم الشاعر/هشام الدشناوى  قوم إنتصر حطم جدار الصمت واطلق صرختك وصلها من جواك إلى أبعد …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

20 − 17 =