صطب فكرك

بقلم الأديب/ خالد الجمال 

صطب فكرك  

*********

ادخل جوة برامج نفسك

صطب فكرك 

واتسيف

علي احلام البعد التالت 

فتش

جوة حروف الفكر التايه منك 

جواك مخنوق

مش هتبوح 

ولا حتى تفوق

وتتوه

برة عصارة فكرك 

نفسك 

تبقي طريق ملموم 

في غصون امبارح 

تقدر تمسح منه اساك 

فتش جوة جرابك 

ابحث عن اوراقك 

تلاقيك فاهم نفسك 

وتبين انك 

مش واخد بالك 

فاهم انك مش فاهم 

وبتضحك علي نفسك 

وتقول انك فاهم 

امبارح بقي ذكرى 

لو متعلمتش منه 

مش هتقرب منك لحظة لبكرة 

لما الكون بيروح منك 

ويسيبك بتلملم نفسك 

تلاقيك مش فاهم انك ….؟

………………..