الخصر ده ولا الحدود الأربعه

بقلم الشاعر / محمد محمد خميس

أنا اللى شاقق كف قلبى ضفتين ..
و بشوط ب رجلى كل ما يروح الوجع ..
لسه الرقاب متدلدله منى ..
أحلامى سابقه المُهر ف جموحه ..
يا زارعه عود ف عيونى و الننى ..
أنا قلبى رافض رجعته ل روحه ..
يا بنت يا ..
لابسه الجونيله مفضفضه ..
أنا لسه بستعمل لحَلقى المضمضه ..
و بطهر الجوف العَفن ..
من كلمة الحب الغَبى ..
أنا كف إيدى مش نبى ..
ولا رجلى بتخَطى الجَبَل ..
ولا جُرحى مستنى الحَبَل ..
و لا كُنت ف سُكاتى الكَليم
يا بنت شَقه جوه قلبى ميت فرات ..
و مدغدغه كل الرايات ..
بركان وفاير من زمن ..
يا مستحيه من خَجل ..
يا مدوبانى ب العَجل ..
طعم الشفايف و لا ..
طلقتين رمان ..
طعم العنب ..
ولا اللمون و البرتقان ..
الخَصّر ده ..
ولا الحدود الأربعه
يا بنت غازله توب حرير ..
من ضى شمس مروحه ..
بنوته هَلَه مصبحه ..
و مطوحه مليون لَغَم ..
فوق صدر كل اللى حَنَا ..
و اللى إنتنا ..
و اللى عَبر ..
و اللى إنعبر ..
و اللى إنتكس جواه صباح ..
واللى خَبَا
يا بنت عايمه جوه بحرى مركبه ..
شدى القلوع الطيبه ..
عدى الصبيه و الصبى ..
لسه بدور عن غبى ..
يطرح حلول المسأله
يا دقتين رجوا البيبان ..
الفجر مش رافض يبان ..
لكنه رافض ينطفى .

شاهد أيضاً

Pin-up Slots:: Пинап Бет:: Pin Up Logi

Pin-up Slots:: Пинап Бет:: Pin Up Login 7к Казино 7k On Line Casino Официальный Сайт …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

أربعة × اثنان =