ب بص في مراية روحى

بقلم الشاعر / محمد محمد خميس

بَ أبُص ف مراية روحي __

شئ ..
بيحرك فيا ساعات الحزن ..
و ساعات الخوف ..
و ساعات ..
المطر المتداري ف سحاب ..
عطشان للشمس تلاعبُه ..
تمسح بإديها الحرانه ..
برد ف ليل ..
شرقان ..
للمُهر اللي بيُخطُر ..
ف يكسر لحظة صمت كئيبه ..
ب تصرخ ..
ف هويد ليلها ..
المشهد ..
تفاصيلُه ممله ..
و أنا ..
ب أفتح جسمي للعالم ..
يمكن ..
يلعب ب صوابعه ..
ف مفاتيح روحي ..
و يخرجني تاني علي نفسي ..
المشهد ..
تفاصيلُه عجيبه ..
البت ..
أُم الملامح مريميه ..
خطفتني ..
من حُضن ..
وليدي المزروع ف عروقي ..
و شوالي الزرع المبدوره ..
علي صفحة روحي ..
لساها بتستنا ربيع آخر ..
بس أنا واثق ..
إني خلاص ..
ب أفتح روحي ع العالم كله ..
من غير تزويق ..
و زعيق ..
و لغه قديمه ..
و عيال بتستعرض ع الفاضي ..
فاعل جدا ..
و مؤثر ..
و عروقي بتنز قصايد ..
بس أنا حاسس ..
إن شئ ..
كاتم نَفَسي ..
كاتم روحي ..
و مشعلق ف حبالي سراب ..
أنا دلوقتي ..
ب أعلن ..
إن خلاص الكون بقا ملكي ..
و إن البت بتاعة قلبي ..
باقيه معايا ..
بتشكل فيا حواديتي ..
و قصايدي ..
حُره طليقه ..
زي جناح طيره بريئه ..
مش عارفه لدلوقتي ..
هيه طايره ليه ..؟

شاهد أيضاً

Букмекерская Контора Ggbet: Ставки на Спорт И Киберспор

Букмекерская Контора Ggbet: Ставки на Спорт И Киберспорт лучшие Букмекерские Конторы ддя Ставок На Спорт …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

سبعة عشر + ستة =