كاس سم

بقلم الشاعر / علي أبو المجد

دمي ..
اللي طالع يجري ؛؛ مش مجنون
ده : دم طالب تار
ف اقبل خطاه : يا عالم الأسرار
و ارزقني يا رزاق : كتاف شياله
شابب جبيني ؛؛ ل النهار : منحاز
و الشمس ..
فوق مني : لهب / مش ضي
الشمس فوق منهم : دفا القياله

من بعد هم ؛و دم ؛و علو النفس
راجع .. جيوبي : زي ما اتوكلت
أكلوني صاحي /
أكلوا حبيبك : حي
أكلوا -ولاد الكلب- : لحمي الني
الرأسمالي ..
ب الدولار ؛و الجاز
ب الأله ؛و الشمس الإزاز
أول ما جاع ..
“لاكني” ف عز الضهر

راودني عن نفسي ..
عملت : عبيط
هم : ب خيالي ؛؛ ب الوطن : هميت
عيطت في سري ..
و غنيت ف العلن
و العالم المسعور ما أبداش : إهتمام
ما لقتش فيهم ..
حد : ب يسمي
“كاس سمهم” ..
ده ولا “كاس سمي” ؛؛ عشان : نخيت
م الحوجة ..
؛و الجوع ؛و العلاج ؛و القهر
جسمي : غنيمة ..
مين : خسر ؛؛ مين : فاز
مين زيي بعد الدبح : ب يغني
الشمس فوق مني : لهب ؛؛ مش ضي
الشمس فوق منهم : أمل ب يلين
راس “كارل ماركس” .. زينت : “برلين”
و احنا ف بلادنا : المال ب يتوضى
و ب يتغسل ف : “معاهد الأورام”
مش “خوفو” هو اللي بنى الأهرام
خوفي أنا
شريان يا نيل ؛؛ ولا الزمن : عرقان
الفرض : مش فرض الصلاة
الفرض : فرض الصوم
“هوليود” بتكشف عن ساقين “جولييت”
كل الشوارع أصبحت : “وول ستريت”
البدو قالوا “البرده” م “الروك أند رول”
ردوا ..
الكمنجات الحزينة ؛؛ “السيرة” : “جاز”
ليه كل حاجة ف الحياة اتغيرت ؟!!
حتى أدان الفجر .. ليه مش ع “الحجاز” ؟!!

شاهد أيضاً

كأس العرب: تونس تواجه الجزائر في نهائي البطولة بعد إقصائهما مصر وقطر

الألم بحد ذاته هو حب الألم ، المشاكل البيئية الرئيسية ، لكني أعطي هذا النوع من الوقت للتراجع ، بحيث يكون هناك بعض الألم والألم العظيمين. هذا يعني أن الجلاد سيرغب في تعليق سعر الرسوم المتحركة القوي. يبدو الأمر كما لو أن الأطفال يقاتلون من أجل الغد الأصعب. إنه يحب أن يبدأ المرض ولكن الدببة بحاجة إلى تزيين كتلة الفقر. الرعاية الصحية يحتاج إلى العناية.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

أربعة − 2 =