طيور الشهدا

قصيدة للشاعر حاتم مرعى

جبل عتاقه قال لي:

طيري حط ع الشط عرقان وبيعافر..

قولت له شاطر ..

ده قلبك ولا فوهة بركان..

وده يمامك ولا دي الغربان..

لاانا غزال شارد..ولا انت وحش جعان..

حاول تعيد صياغة رواية الأحزان..

حولني رمل وزلط..وانا هاسخطك حفره..

وناولني بفره..

الف لك دموعي الناشفه فى سيجارتين..

ماتقولشي جاى منين ..

أنا من هنا ولا هنا مني..

أنا طفل بائس ولا عجوز محني ..

عايش لوحدي فقير..فى بلاد الأكابر..

جبل عتاقه قال لي:

طيري طار فى السما مع موكب الشهدا” ..

وإسمي كان مكتوب على” مسجد الشهدا..

سابني أسير.. فى الحروب الأونطه..

باشد من قلبي سهام القرامطه..

وفضل فى جسمي علامه..

من حروب ياما..

وفضل حنيني للطيور والسما.. معذبني..

جبل عتاقه قال لي إيه مش فاكر ..

قولت له .. عاش اللي مات فى يناير ..

شاهد أيضاً

Букмекерская Контора Ggbet: Ставки на Спорт И Киберспор

Букмекерская Контора Ggbet: Ставки на Спорт И Киберспорт лучшие Букмекерские Конторы ддя Ставок На Спорт …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

4 × 4 =