الخوف عطية عليان

الخوف يا حبيبتى بقى نسمة
تسرى ترعد ف تياب الناس
والريح العاتى صبح آتى
شايل فى ترابه شظاية الموت
الموت ياما داق طعم الشبان
واستطعم أرواح الشجعان
عندنا شبان تستطعم بردوا طعم الموت
الخوف يا موتى بادين خوان
يا حبيبتى يا أم الشبان الشجعان
الموت موجود من غير الخوف
دايما بيطوف من غير ما يشوف
والخوف عبدوه الناس
من قبل الموت المتأصل فى العمر
وعليكى الخوف
وعلى الإنسان
الخوف للصبر يموت
والسد يخاف من أسوان
عمرك شفتى الحق يعشعش فيه البوم
أبدا وحياة الحق المهضوم
لنسوى هوايل خير
الخوف ع الشىء بيركب ألف هموم
بينسى الجدعان شجاعتهم
بينسى الأطفال لعبتهم
ده الخوف ملعون
بينسى الابن طاقية أبوه
بينسى الثمرات شجرتها
ده الخوف مجنون
بيعلم نبقى ازاى مساكين
ح نخاف من مين