الخوف عطية عليان

الخوف يا حبيبتى بقى نسمة
تسرى ترعد ف تياب الناس
والريح العاتى صبح آتى
شايل فى ترابه شظاية الموت
الموت ياما داق طعم الشبان
واستطعم أرواح الشجعان
عندنا شبان تستطعم بردوا طعم الموت
الخوف يا موتى بادين خوان
يا حبيبتى يا أم الشبان الشجعان
الموت موجود من غير الخوف
دايما بيطوف من غير ما يشوف
والخوف عبدوه الناس
من قبل الموت المتأصل فى العمر
وعليكى الخوف
وعلى الإنسان
الخوف للصبر يموت
والسد يخاف من أسوان
عمرك شفتى الحق يعشعش فيه البوم
أبدا وحياة الحق المهضوم
لنسوى هوايل خير
الخوف ع الشىء بيركب ألف هموم
بينسى الجدعان شجاعتهم
بينسى الأطفال لعبتهم
ده الخوف ملعون
بينسى الابن طاقية أبوه
بينسى الثمرات شجرتها
ده الخوف مجنون
بيعلم نبقى ازاى مساكين
ح نخاف من مين

ونخاف على مين
واحنا يا شفنا حرام
ولبسنا حرام
حجينا البحر سبع حجات
واتوضينا بحاجات وحاجات
ع الجمر سجدنا وصلينا
واستقضينا الركعات
سحلتنا سنين الصوم
ح نخاف لقيامة تقوم
ما تقوم
الزكا مش فرض على المعدوم
يا سلام ع البحر اللى اتعمر خفافيش
قناديل البحر بقت عتمه
والسر فى بير كمشيش

شاهد أيضاً

Pin-up Slots:: Пинап Бет:: Pin Up Logi

Pin-up Slots:: Пинап Бет:: Pin Up Login 7к Казино 7k On Line Casino Официальный Сайт …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

7 − أربعة =