ماكنتش حد بتحبيه

بقلم/ سلمي رشيد

ماكنتش حد بتحبيه

ولا يفرق معاكي ف شئ

مشيتي طريق ..قصاد عيني

 وقربتي

وكنت ببص واتفرج

كإن مشاعري بتهرج

وخبت نفسها فيا

صحيح جوايا حنيه

وشوق وحاجات كتير ليكي

لكني قدرت اخليكي

 ماتلمحينيش

ولا تحسيني بالمره

رسمت الجد من بره

ومن جوه جبان وضعيف

انا ماقبلش اكونلك طيف

مفيش ف ايديا غير قلبي

وحتي القلب راح ومجاش

اقولك حاجه,, ولا.بلاش

انا مليان كلام ودموع

وحتي خلاصه الموضوع

مابملكهاش

معاكي بقيت

بخاف اتنفسك صدفه

تكوني ساعتها قدامي

تحسيني..

بخاف اكتر تحبيني

ويبقي ما بينا الف سؤال

صفات الراجل الافعال

وانا افعالي مش هي

انا ماملكش غير نيه

ومش هعرف ابينها

طبيعي بيبقي جوانا

حاجات حلوه نخاف منها

وكل ما نبقي بنحاول

نكون اقوي..

بيجي الحب يكسرنا

يخسرنا حاجات فينا

لا يبقي القلب زي ما كان

ولا يبقي النفس هو

يدمر فينا من جوه

ويمشي كإنه ماعملهاش

عقوبه كل من فكر

يقرب حد منه ف يوم

وجع بالكوم

وذنب كبير مايتكفرش

لذلك ياللا مانفكرش

ولا نحلم ولا نشتاق

فراق الحلم قبل ما يجي

م الاول

اكيد اهون بدل ما نحب

ونفارق

مفارق في الحياة.قاصده

تخلي الناس بعيد عن بعض

بتعشق تنهيدات الخوف

ب اسم ظروف تفرق بس

ياويل القلب لو يوم حس

انا يا حبيبتي مش ناوي

اكونلك حد تدعي عليه

ومن خوفك لتفتكريه

بنيت للبعد بينا طريق

 ومش هابقي اللي بتحبيه

ولا.يفرق معاكي ف شئ

شاهد أيضاً

Как Делать Ставки На Спорт Руководство Для Начинающи

Как Делать Ставки На Спорт Руководство Для Начинающих Что Такое Система В Ставках На Спорт? …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

واحد − 1 =