اقسم بإنك

اقسم بإنك
مشاركة الموضوع :

 

بقلم الشاعر / عمرو اللمعي

أقسم بإنك مش بشر

وأشهد بإنك مش ملاك

من نور عنيكي بيرتوي

جسمي إللي شاب

ونا شعري أبيض م الوجع

مش م السنين

وسنابل القمح العتيقه في بسمتي

مصنوعه يمكن من رخام

إياكي يوم تتزحلقي أو حتي يعني تفكري

تمشي عليه

فكرت ياما  من الوجع إني أخاصم الزمن

وقابلت روحك ع الطريق مشحونه حب وأسئله

وانا كنت خبره في الوجع عندي إجابه لكل شئ

مديت عنيا قبل إيدي في سكتك

فلاقيت شعوري بينجذب نحو الخصل

ومناجم الحزن الكتيره في ضحكتك

انا قولت أحفر يمكن القي الكنز في عمق الألم

ولاقيت كتير ،،

أسرار لناس مش م البشر وبحور كلام وأوليا

دراويش وجع في حضره مليانه ب ألم

ونتي يادوب زي المطر

بتزغزغي نشوة مريدي الأسئله ، والمغرمين

وتذوقي شكل الطريق فا تغيريه

بتطيري زي البالونات زي العيال السمر جوه الأمنيات

زي الدهب في الفاترينات

ميهمنيش ،

إني أكون من ضمن تجار الخزف أو حتي من ضمن صناع الكلام ميهمنيش إني أسافر للفضا

ميهمنيش غير إني أشوفك بس في الأحلام

أو حتي أشوف منديل بقويا بينتفض م الفرحه في إيدين البنات

مش عايز أغير لهجتي

مبسوط ب إنتي أنتمي للطين وحبات المطر

للنخل في حضن الغيطان

لحكاوي أبويا عن حريق القاهره لأحمد عرابي وشلته

ول ناصر المفتون بحبك مثلي أنا

ولكل واحد زينا

ولكل عاشق مننا

مشاركة الموضوع :

الشاعره هدى غريب

من السويس حاصلة علي معهد ادارة اعمال تعمل في مجال الصحافةمحرر بجريدة انباء السويس ومحرر في مجلة اشراقة الثقافية .. عضو نقابة العاملين بمجال الشعرعضوية رقم 28 وعضو عامل بجمعية ابداع الثقافية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *