“خيال مزعج”من ديوان حبس انفرادى للشاعر مجدى عطية

مشاركة الموضوع :
.. خيال مزعج .
مرحب بيك فى مخزن الأرواح
هنا
بغسل أرواح اللي بحبهم
كل روح عارفه المكان
اللي هتنام فيه بهدوء
ماتخفش
هاخدك على كفوف الراحه واعرفك بنفسي
أنا مجرد خيال مزعج
طول الليل بلف من سما لبحر لجبل
بادور ع المجهول
النار والجنه
متشعلقين فى حبل أفكاري
إيه رأيك
لو اشوفلك دنيا خربانه
أعمرهالك فى دماغي
فرصه ماتضيعهاش
مدد جسمك واستمتع
بالحرب الدايره
مابين الشياطين والملايكه
مافهاش حاجه
لو سيبتك لوحدك
تجرب طعم الموت من غيري.

 

 
مشاركة الموضوع :

اضف رد

لن يتم نشر البريد الإلكتروني . الحقول المطلوبة مشار لها بـ *

*