“رؤية واضحة” للشاعر علي أبو المجد. التنوير_ eltanwer

“رؤية واضحة” للشاعر علي أبو المجد. التنوير_ eltanwer
مشاركة الموضوع :
  1. #رؤية_واضحة

من قبل ما الموج ..
كان ينادي ع النهار : يرتاح
و يبلع الشمس ب حنان قطة /
مال قلبي / زي : فلوكة
و روحي فضلت ع الرصيف تنده ..
تعالوا
ما تصدقوش : إن اللي عايش مات
و ان اللي مات :
عايش ف جنة خلد
الوقت مش وقت النوارس
ولا زمان : الحق
مهما الطيور ..
تشبع على : ضهر المراكب
برضه هتشتاق ل السما ؛و البحر
كات روحي ..
واقفة ع الرصيف
لكن /
كان الحمام ..
يومها ارتضى ب النحر

كل الشياطين : لحن واحد ..
مش شجي / لكن طروب
كل الملايكة ف الرضا : آلات
شرطت أفيون ..
ﻷ .. ماصصني المر
حتى السنابل طرحت : خشخاش ؟!!
ضهري ما جاش
و صباعي مكسور ف المدى ضله
كل الصحاب عني : بيتخلوا
و انا اللي سايق ف : الوفا
وحدي ف كهف الليل
تؤنسني أعدائي
أو أنسى ذكرى ل الحبيب الأول
نفس المساحة م الألم
نفس الشعور ب الخزي
ما يبكينيش ..
غير طعنة اليود ف عضام ..
المركب المومس
أو غزل بيقاوح فساد العالم التالت
شروة سمك
متباعة ب الحوجة ..
ل خوجة : من بني عدنان
جبل عتاقة ..
كان رفيق مشوار ؛و بس
في دم لسه ب يغلي ع الأتكة
قلبت عيني كتير ..
و قلبت الندى ع الورد
المشهد اللي انتصر في آخر الرحلة
كان الحقيقة ؛و سلمة لله
عيطت يمكن توضح الرؤية
جاني الحمام شايلة إيديه : سمكة
#علي_أبوالمجد

مشاركة الموضوع :

الشاعره هدى غريب

من السويس حاصلة علي معهد ادارة اعمال تعمل في مجال الصحافةمحرر بجريدة انباء السويس ومحرر في مجلة اشراقة الثقافية .. عضو نقابة العاملين بمجال الشعرعضوية رقم 28 وعضو عامل بجمعية ابداع الثقافية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *