صورة فى الوجدان

صورة فى الوجدان
مشاركة الموضوع :

ساعات باسرح وباتأمل 

فى صورة ساكنة جوايا

وباحكى ليها واتكلم 

كأنى باحكى ويايا 

والاقيها بتسمعنى

وانا باشكى اللى واجعنى 

تطبطب هى على قلبى 

وتمسح ليا دمعايا 

والاقيها بتفرحلى 

وتدعى ع اللى يجرحنى

تمد ايديها تحضنى

وامد ايديا احضنها

الاقينى حضنت سراب

اتارينى  انا بحلم

وحلمى كمان طلع كداب

خيال حسيته يوم جنبى

دا وهم وعشته من قلبى 

وكان فى حياتى امنية

ولما فوقت من حلمى 

جريت بصيت  على مرايتى 

لاقيت الصورة اياها 

فى صورتى لسه شايفاها 

عرفت ان انت ساعتها 

سكنت روحى وكيانى 

وان الصورة دى صورتك 

وعايشه جوة وجدانى 

وانك مهما روحت بعيد 

معايا فى كل احلامى 

مشاركة الموضوع :

الشاعره هدى غريب

من السويس حاصلة علي معهد ادارة اعمال تعمل في مجال الصحافةمحرر بجريدة انباء السويس ومحرر في مجلة اشراقة الثقافية .. عضو نقابة العاملين بمجال الشعرعضوية رقم 28 وعضو عامل بجمعية ابداع الثقافية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *