ضي الفجر

مشاركة الموضوع :

بقلم..سيد احمد بكر 

ياضى الفجر ياطارح

على بيتنا

سنابل خير

نقوم ونوضى فى قلوبنا

بصوت خضير

نسمى وندعى للمولى

وهو لذكرنا أولى

فى كل زفير

ولسه الصبح فى الغبشة

نسعى نسبق الشمسة

لرزق وفير

ونتقابل مع الفرحة

بزرعة حمدنا الطرحة

على الملكوت

غيطان وبيوت

بتتمايل على الترعة

تشكر ربها وترعى

صبايا تغنى أسمعها

بصوت حسون

وألاقى القلب يسجد لك

وبخشوعه كمان مسكون

لأن الرزق محجوز له

ما بين الكاف وبين النون

مشاركة الموضوع :

اضف رد

لن يتم نشر البريد الإلكتروني . الحقول المطلوبة مشار لها بـ *

*