لغز الحروف

لغز الحروف
مشاركة الموضوع :

 

في حروف الحزن ساكنها 

وحروف الفرح.ماليها 

وحروف وانت بتكتبها 

قلبك متشعلق بيها

وحروف بتقول مين انت 

وحروف بتقول من امتي 

قلبك بيعيش معانيها 

……

في ناس لما بتتكلم 

مابتسمع ليها كلام 

وناس بحروفها تعلم 

والهمس يكون عنوان 

وناس وبنظرة حزينة 

تاخد قلبك لبعيد 

ترسم صورتك في عالمهم 

وانت مبسوط وسعيد 

انك فكيت الشفرة 

وقدرت تحل اللغز 

…….

في زمان احواله عجيبه 

تلقي الدمعة في تنهيدة 

يازمان بحروفك ابعت 

جوابات ولكل  حبيب 

قوله من امتي بتبقي 

مبسوط كده وانت غريب 

وازاي راضي باوضاعك 

متحمل ليه حبيب باعك 

وازاي الحب اتغير 

واتحول كره اكيد 

……..

امسح بحروفك دمعة 

هاتريح قلب حزين 

او حتي تنور شمعة 

ترسم.بسمة علي.العين 

……

في حروف معانيها حياة 

وحروف معانيها موت 

والفرق مابينهم كلمة 

مسجونة في حضن سكوت 

لغز الحروف 

مشاركة الموضوع :

الشاعره هدى غريب

من السويس حاصلة علي معهد ادارة اعمال تعمل في مجال الصحافةمحرر بجريدة انباء السويس ومحرر في مجلة اشراقة الثقافية .. عضو نقابة العاملين بمجال الشعرعضوية رقم 28 وعضو عامل بجمعية ابداع الثقافية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *