مصنع لبان

مشاركة الموضوع :

بقلم/علاء الدين على

اللي ريشه م السعادة
صعب يبقى حزين يطير
كان لي بيها ألف قصة
ناقصة قصتها اللي كانت
مشترك كل القصص
مستحيل تبقى كمحور حبهن
دي اللي راحت بالنصيب
واما فاض همي ف لقاها
ريشي سابني ريشة ريشة
قلت أجرب ريش صناعي
غيرها ياما حسوا صدقي
في القصايد كلها
أصلي شاعر
كلمتي أقوى مخدر
للمشاعر
كل واحدة فيها منها
شئ بسيط
ذي عين لحظة لقا
لازمة ليها ع اللسان
إسمها وصف وبيان
تيجي تطلب مني أكتب
آجي أكتب فجأة يظهر
شكلها يملا الورق
أكتب القصة اللي فشلت
كلمة فيها العشق شمسه
قهر ل اليل الجرئ
حرف ينفع ترجمة
للي بيحسه البشر
وأما غيرها تقرا نبضي
فجأة تبني
عش ليه أربع بيبان
باب لصورة . باب لسيرة
والبابين حب إحتكار
باب مكهرب . باب يغرق
والبابين قتل ودمار
أرجع أكتب إني كاره
أي ريشة تمس جلدي
تكون صناعي
ألقى نفسي فجأة مصنع ل اللبان
كل تاء تأنيث بندغة
طبع النسا فيض الحنان
أكتبلهن ف قربهن با كون سعيد
رغم اني حابب وحدتي
وانا وحبيبتي مش سوا
كتروا ف حياتي المدمنات
لكلامي ف صنوف الهوي

مشاركة الموضوع :

اضف رد

لن يتم نشر البريد الإلكتروني . الحقول المطلوبة مشار لها بـ *

*