ارجعي

بقلم الشاعر / محسن الدلي 

ارجعى……

لو كان الرجوع مسموح

هاتى العمر اللى فات

السعاده…والذكريات

والحب… اللى بإيدك مات

إتعاقب… علشان بببوح..

إرجعى……

لو كان الرجوع مسموح

……

خدى منى الحنين ….

الطارح…. هم..

لمى الجرح…

اللى ما يتلم.

ولو فصل النهايه…. تم…

خدى منى الشوق المدبوح ..

إرجعى…. 

لو كان الرجوع مسموح

…… 

ديوان الشعر المكتوب فيكى

وكان تلقائى..

حرف حرف…وشطر شطر

بحبر دمائى…

ماكانش مجرد أشعار حب…

ولا كان حتى …

كلام انشائى

كان نبض الإحساس ….

والروح

إرجعى.. ..

لو كان الرجوع مسموح

…….

الأحلام اللى اتمنتها زمان وياكى…

وقتلتيها….

بالهجر مره .. والعند مره

ونكرتيها…

مدى إيدك..

إن كنتى ناويه ع الرجوع..

وحققيها….

باب الحلم…..

 مازال مفتوح….

إرجعى…….

لو كان الرجوع مسموح

…….

شاهد أيضاً

Как Делать Ставки На Спорт Руководство Для Начинающи

Как Делать Ставки На Спорт Руководство Для Начинающих Что Такое Система В Ставках На Спорт? …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

خمسة عشر − 8 =