قيصر

بقلم /مجمد سيد احمد

قيصر حلم بالليل بالمجد و الشهرة

زحفت جيوش الويل سبقت نهار بكرة ***

ضرب المثل لملوك الغدر من طبعهم

بيكتفوا المفكوك وويحرروا بجهدهم

أرضك وأرض أبوك ولابد تشكر لهم

واحنا كمان نشكر على كل شئ يجرا

قيصر حلم بالليل بالمجد والشهرة

قام قيصر المغوار قرب وجه فى ودننا

وغنى حبه كتار طولت ودان بعضنا

و الغنوة كات بتقول أنا جيت عشان احرر

لا هاهد ولا ادمر

وهادى للسمسار كـــام متر فى الاعمار

والمذهب التانى قال فيه كلام أكتر

وبدأها بحكاية هندى بريش أحمر

وازاى ومن فضلهم خلوا الهنود ذكرى

قيصر حلم بالليل بالمجد والشهرة

زحفت جيوش الويل سبقت نهار بكرة

طبت فى عز الليل شربت فرات دجلة.

تقدر تقول لى يا ليل أطفالنا ايه ذنبهم

عيالنا اللى دبحوهم فى الكوفة والبصرة

يا قيصرالموعود ما احناش عبيد فضلكم

ولا كنا مرة هنود ولا العراق أرضكم

يا قيصرالموعود هات التاريخ واقرا

شوف حكمة الأسفار فى السورة والاصحاح

شوف حكمة الأمطار

ده الزرع للفلاح والأرض مش للبيع والعرض

مش أجرة

واطول لابد ياليل طالع نهار بكرة

هانغنى فيه المواويل علــــى دقة الذكرى

قيصر وكان يامكان ونهايتة بالحصرة

يوم ثورة البركان والحكمة على فكرة

مذكورة فى القرآن وفى سورة البقرة