بريق الصدأ

بقلم الشاعر/ علاء الدين على

بريق الصدا 
********
فقد الجمال الاكتمال 
من حلقة جوة السلسلة 
مبقاش أمل أو إحتمال 
ترجع دهب ودي مشكلة
صايغ بيفهم ف الدهب
قبل النهاية حسها
قال الصدا بالجنزرة
من طوق نحاس
مستقبلا
تدمير أكيد بس إحذروا
أو خرجوه
حسن الطلا
عمره ما كان أبدا أساس
فهموه غلط قالوا غبي
وكإنه عايز يحتكر
ف الصاغة تشكيل الدهب
صبح الصدا شئ محترم
واللي إحترم فن البريق
بقى متهم بالهيمنة
وان يوم نطق
بندين تلاتة من تهم
زائد إهانة لمبدأه
ودليل على إن الدهب
بتصيبه برضو الجنزرة
يفضل سبب نص البريق
لو كل فاهم متهم
مين البرئ
شكل اللي قال
إن النحاس ذي الدهب
عريس وبيجيب شبكته
أهل العروسة صدقوا
ذاعوا الخبر اتصدقوا