انا المصري

بقلم الشاعر / محمد سيد احمد 

أنا المصرى 

أنا الأصلى أنا الإنسان 

انا المصرى اللى عامر قلبه بالإيمان

أصلى ع النبى موسى 

واسلم ع النبى عيسى 

وابارك ع النبى العدنان 

محمد خير خلق الله 

واسبح ربى كل أوان 

لا انا سلفى ولا شيعى ولا إخوان

أنا محمد ومتربى أنا ومرقس 

فى حارة مسجد الإيمان 

أنا حافظ ترانيمه 

وهو بيعشق القرآن 

أسمع له من المزامير يرتل 

سورة الرحمن 

أنا المصرى اللى عاشق كافة الألوان 

 يا غنوة جميلة 

صورها أنيس منصور

ولحنهالك العقاد وطه حسين 

وعبد القادر المازنى ونجيب محفوظ 

وغناها جمال حمدان 

يا مصر يا واحة الأديان

مشاركة الموضوع :

شاهد أيضاً

بالصور صالون تحالف المجتمع المدني الثقافي يناقش مسرحية ما بعد الكارثة للدكتور ايمن الشريف

    كتبت هدى غريب في إطار ايمان صالون تحالف المجتمع المدني الثقافي بضرورة دعم …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

خمسة + تسعة عشر =