قصيدة حب

بقلم الشاعر / محمود جمعة

لسا العيال بيعاندوا فيّ
بيجوا بدري و يقعدوا
جنب منك ف المدرج ..
عارفني بتأخر ساعات
عارفين كمان
أني هعمل أي حاجة
عشان يقوموا من سكات
هدفع تمن شاي البوفيه
و علبة الكشري المشطط
و تذاكر الأتوبيس فى أخر اليوم
و العشوة الهنية
عيال غبية
بس بيحبوكي موت
و بيحبوا ..
يأكلوا منك البسكوت
و يتخانقوا
علي الشيكولاته بالواحدة
و بيحبوا..
يشوفوا الضحكة فى عنيكي
ساعة ما تشاورى بإيديكي
بأخر واحدة فى الشنطة
عيال لبّطة
لكن دايما يحبوا لنا
نكون مع بعض
و لو نزعل .. يغنوا لنا
يهزوا الأرض
ولو نفرح .. يباركوا لنا
كده من القلب
و لما تييجي سيرة الحب
يقولوا احنا
أنا و انتي
قصيدة حب

مشاركة الموضوع :

شاهد أيضاً

بالصور صالون تحالف المجتمع المدني الثقافي يناقش مسرحية ما بعد الكارثة للدكتور ايمن الشريف

    كتبت هدى غريب في إطار ايمان صالون تحالف المجتمع المدني الثقافي بضرورة دعم …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

أربعة عشر + أربعة عشر =