التخطي إلى المحتوى
دبلت عيون القمر              كابتن غزالى
دبلت عيون القمر
وعنينا سهرانه
بكيت غصون الشجر
والأرض حرنانه
والشمس خبت حرها
علينا شفقانه
حتى الطيور ع الشجر
تدارى خجلانه
يا صرخة الإنسان
اللى .. مرعوش أمانه
يا صرخة الإنسان
اللى زرع بستانه
حب ومصانع
وشد لجل ..إخوانه
كان السلام غنوته
والإنسانية أجفانه
..زعق غراب البين
اترمى من حلمه
شاف الحقيقة اتفزع
بستانه .. قام قال له
أكثر من كده ها تشوف
لو بخلت ..بجهد
الحق بستانه فى إيدينا
الحق جبال من صهد
الحق دروب واعرة
لولاده مهواش صعب
داللى السلام غنوته
لازم نشيد الحرب
يموت عشان ضحكته
تتحنى بيها الأرض
تشفى عيون القمر
لما نصون العرض
أكثر من كده ها تشوف
لو بخلت ..بجهد
الحق بستانه فى إيدينا
الحق جبال من صهد
الحق دروب واعرة
لولاده مهواش صعب
داللى السلام غنوته
لازم نشيد الحرب
يموت عشان ضحكته
تتحنى بيها الأرض
تشفى عيون القمر
لما نصون العرض

التعليقات