موال بهية

من أغاني ولاد الأرض
كلمات :الكابتن غزالي
“موال بهية”
يامغنين موال بهية
وحكايات الشاطر ياسين
يامجرجرين جثة ماضينا
في طريق الكادحين
ياراعشين موال ولادنا
ياصابغين لون السنين
وقت الغناوي فات وعدي
الوقت وقت الغيرانين

توهتنا طول الحكاوي
وسير العاشقين
دا اللي ينسوا وطنهم
يعيشوا جبنا مضللين
تكره الأرض سيرتهم
حلفانه بميت يمين
م تقول عليهم ولادها
طول ما هما شاردين

يامصر ياغنوة حياتنا
ولادك أحنا حلفانين
ما نعلم ولادنا
غير غناوي المنصورين

مشاركة الموضوع :

شاهد أيضاً

“ياسويس “قصيدة للكابتن غزالي.التنوير_eltanwer

ياسويس … اكتب بنن عيني نصرتك ارسم بدم قلبي فرحتك افرش عضايا سكتك نهار يغني …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

2 + 7 =