حاتم مرعي يكتب في ذكرى الشاعر درويش مصطفي “للدرويش الأكبر “

قصيدة للشاعر حاتم مرعي

للدرويش الأكبر .. 

درويش مصطفى 

…………

ماعنديش غير مفيش

والحمد لله بتغني

أنا زى مانتا سايبني

المعجزه الناقصه

لحظة نهاية الرقصه

كعب أخيل

دم هابيل

إنحسار النيل فى حوض الغسيل

حلاوة الترتيل

جنون العظمه

تلميعة الجزمه

للأناني اللي باني

عمارات السحاب

أنا سعادة البيه

وانا البواب

إنقسام الفوله

وأمنا الغوله

أنا صانع الحواديت

اللي رافض يحكي

أنا اللي من حزني باضحك

وانا اللي من فرحي بابكي ..