فاتكم اني

قصيدة للشاعر محمد رؤوف

فاتكم انى
اول الخلق اللى مابتفضاش مطارحهم اذا يفارقوها
وانى اول من وصف ساعة المغيب
ازاى تغنوا فوق دماغ الشمس ترقوها
تبات الليل بتسمعلى قصايد الاوليا ترتيل
فتلقوها
طالعبنا سطح الكون لفوق
بتئم بينا الصبح نيتها الشروق
تهدى القلوب للخير محبه وحبه حبه النور نما
وتشع رحمات السما
فيبان ايمانى بتوب ايمان الطيبين طالل كما
ضى الرسل مالى مساحاتكم
صدقونى انا عمرى اقصر من حياتى
بس اطول من مداد العمر بيكم
حتى مهما تزيد حياتكم
واللى بعد الروح ماتخرج
مش مسطر فوق جبينى ولا ف راحاتكم
واللى حاشكم
عن قراية الكون فى عون اللى بيدرك مقصده
ثم ان الناس جميعا مش ضرورى اتجسدوا
او نزلوا أرض
قلبى صلى الحب فرض
وحده قبل ماحد فيكم يفرضوا
وجناحاتى دول اساسا
هما سنة ربنا ف خلق جناحاتكم
صدقونى انا عمرى اقصر من حياتى
بس اطول من مداد العمر بيكم
حتى مهما تزيد حياتكم

مشاركة الموضوع :

شاهد أيضاً

بالصور صالون تحالف المجتمع المدني الثقافي يناقش مسرحية ما بعد الكارثة للدكتور ايمن الشريف

    كتبت هدى غريب في إطار ايمان صالون تحالف المجتمع المدني الثقافي بضرورة دعم …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

4 × اثنان =