تسأليني

بقلم..الكاتب الصحفي ..السيد الشافعي 

تسأ لينى

سأ ليتنى نرجس منين انا

قولتها اقولك مين انا

انا يا نرجس من هناك

من ارض جدى وابويا وعمنا

ارض الصمود والكفاح

ارض السويس دى ارضنا

انا يا حبيبتى من هناك

 

من شط ا لقناة اندهك

لو تعرفيها تعشقيها وتعشقك

وتقولى دى جنة ربينا

على شطها يسرح خيالك

من قوة جملها وعشقها

والناس يانرجس عندنا

على السمسمية اتجمعو

ويسمعو اشعار غزالى وعيد

والشافعى دا من عندنا

وابو سمرة واغا والكيلانى

والجمال هما دول شعرائنا

شعب السويس يا نرجس

ايدة ديما على الزناد

مصحصحين ديما للعدو

هما الى قامو بالثورة

واول شهيد من عندنا

لافى يوم شكينا ولا اشتكينا

شاكرين لنعمة ربينا

سعتها يا نرجس هتعرفينا

وتعرفى طيبة اهلنا

لو روحتى فايد ولا الجانين

وفى شندورة نتقابل هناك

وتشوفى طيبة اهلها

ولا كبريت يا نرجس

مش هلاقى احسن منها

من هناك يا نرجس

هتشوفى امجاد جيشينا

الى دمر خط برليف

ورجع لبلدنا عزها

هى دى بلد الصمود

هى السويس بلدى انا

عرفتى لية يا نرجس

انا بعشقك عشان

انتى بنت بلدى بنت

السويس المخلصة

بشموخ ولادها وعزها

وهى فرصةافسحك

على شطها ناكل سرديا

وجمبرى ونشرب من

نبع ارضها

 

مشاركة الموضوع :

شاهد أيضاً

بالصور صالون تحالف المجتمع المدني الثقافي يناقش مسرحية ما بعد الكارثة للدكتور ايمن الشريف

    كتبت هدى غريب في إطار ايمان صالون تحالف المجتمع المدني الثقافي بضرورة دعم …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

19 − 3 =